ඉස්ලාම් ආගමට අපහාස කෙරුවා කියා ඥානසාර හිමියන්ගේ මාස 9 සිර දඬුවම මහාධිකරණය ස්ථිර කරයි

බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන්ට කොළඹ මහේස්ත්‍රාත් අධිකරණය විසින් නියම කරනු ලැබූ මාස 9 ක සිර දඬුවම කොළඹ මහාධිකරණය විසින් අද (23) තහවුරු කළා.

එම සිර දඬුවමින් තමන් වහන්සේව නිදොස්කොට නිදහස් කරන ලෙස ඉල්ලා ඥානසාර හිමියන් විසින් ඉදිරිපත් කළ අභියාචනයක් ප්‍රතික්ෂේප කරමින් කොළඹ මහාධිකරණ විනිසුරු මංජුල තිලකරත්න විසින් මෙම තීන්දුව ලබාදුන්නා.

ඉස්ලාම් දහමට අපහාස වන ආකාරයේ ප්‍රකාශයක් සිදු කිරීම තුළින් ජාතීන් අතර සංහිඳියාව උල්ලංඝනය වන ආකාරයෙන් කටයුතු කළේ යැයි චෝදනා කරමින් දණ්ඩ නීති සංග්‍රහය යටතේ පොලිසිය විසින් ඥානසාර හිමියන්ට එරෙහිව නඩුවක් ගොනු කර තිබූණා.

කෙසේ වෙතත්, අදාළ පෙත්සම සලකා බැලූ කොළඹ මහාධිකරණ විනිසුරු මංජුල තිලකරත්න මහතා විසින් අද දින සිය තීන්දුව ප්‍රකාශයට පත් කරමින් එම අභියාචනා ඉල්ලීම මුළුමනින්ම ඉවත දමන ලදී. මෙම නඩුවට පාදක වී ඇත්තේ ඉස්ලාම් ආගමට අපහාස වන ආකාරයේ ප්‍රකාශයක් නිකුත් කිරීම සහ එමගින් ජාතික සංහිඳියාවට හානි වන අයුරින් කටයුතු කිරීම යන කරුණුය. මේ සම්බන්ධයෙන් දණ්ඩ නීති සංග්‍රහයේ විධිවිධාන යටතේ ශ්‍රී ලංකා පොලීසිය විසින් ඥානසාර හිමියන්ට එරෙහිව මූලික නීතිමය පියවර ගෙන තිබුණි. එම චෝදනා සම්බන්ධයෙන් කොළඹ මහේස්ත්‍රාත් අධිකරණයේ පැවති දීර්ඝ නඩු විභාගයකින් පසුව උන්වහන්සේ අදාළ චෝදනාවලට වැරදිකරු බවට තීරණය කෙරුණු අතර, එහිදී මාස නවයක සිර දඬුවමක් නියම කෙරිණි. අද දින කොළඹ මහාධිකරණය ලබා දුන් තීන්දුවත් සමග මහේස්ත්‍රාත් අධිකරණය විසින් ලබා දුන් එම මාස නවයක සිර දඬුවම කිසිදු වෙනසකින් තොරව එලෙසම බලාත්මක වනු ඇත.

බුදුන් මිනී මස් කෑවා යැයි කියූ තව්හීද් ජමාත් සංවිධානයේ අබ්දුල් රාසික් වැන්නවුන් නිදහසේ සිටිද්දී ඥාණසාර හිමියන් පමණක් සිර බත් කෑමට නියමිත වන්නේ ඇයි දැයි කියා සමාජ මධ්‍යයේ පිරිස් ප්‍රකාශ කරති.